Օգտագործման պայմաններ

Ներածություն

Դառնալով www.reyma.am-ի օգտատեր և օգտվելով մեր ծառայություններից՝ Դուք ընդունում եք սույն պայմանագրի, ինչպես նաև Գաղտնիության քաղաքականության պահանջներն ու դրույթները: Խնդրում ենք ուշադիր կարդալ պայմանագրի բոլոր կետերը։ Առաքման և վճարման պայմաններին կարող եք ծանոթանալ «Առաքում և վճարում» բաժնում: 

«Reyma.am» և «Մենք» տերմինները (այսուհետ` Կայք) վերաբերում են սույն կայքի սեփականատեր հանդիսացող «Նավավան» ՍՊԸ ընկերությանը (այսուհետ`Ընկերություն)։ «Դուք» տերմինը վերաբերում է այս կայքի օգտատերերին կամ այցելուներին: Հարցերի դեպքում կարող եք գրել հետևյալ հասցեին՝ reyma.armenia@gmail.com

Ընկերությունն իրեն իրավունք է վերապահում ժամանակ առ ժամանակ փոփոխություւներ կատարել կայքի  բովանդակության, Գաղտնիության քաղաքականության, սույն «Օգտագործման պայմանների», ինչպես նաև այլ հաստատված կանոնների և կանոնակարգերի մեջ: Սույն պայմանները սահմանված են և մեկնաբանվում են ՀՀ օրենսդրության համաձայն:

Գրանցում

Մեր ծառայություններից օգտվելու համար անհրաժեշտ է գրանցվել կայքում և հաշիվ բացել: Գրանցման ժամանակ անհրաժեշտ է տրամադրել ամբողջական և հավաստի տվյալներ:

Դուք պատասխանատու եք Ձեր հաշվի անունից կատարված բոլոր գործողությունների համար, անկախ նրանից՝ դրանք կատարվել են Ձեր թույլտվությամբ, թե ոչ: Օգտատերը պարտավորվում է գաղտնի պահել գրանցման մուտքանունը և գաղտնաբառը և չտրամադրել այն որևէ երրորդ կողմի։ Հակառակ դեպքում նա ստանձնում է ֆինանսական կորուստների և ծախսերի ռիսկերը։ Դուք պարտավորվում եք անհապաղ տեղեկացնել մեզ Ձեր հաշվի անունից կատարված ցանկացած  չարտոնված գործողության մասին:

www.reyma.am կայքում կարող են գրանցվել 18 տարեկանը լրացած անձինք։

Եթե Դուք օգտագործում եք կամ բացում եք հաշիվ որևէ ընկերության կամ երրորդ անձի անունից, ապա անհրաժեշտ է երաշխավորել, որ Դուք լիազորված եք ներկայացնել այդ կողմը կամ կազմակերպությունը։  Հաշվի իրավատերը պետք է հստակ նշվի, հակառակ դեպքում www.reyma.am-ն իրավունք է վերապահում իր իսկ հայեցողությամբ կասեցնել առկա հաշիվը՝ առանց հետագա պարտավորության մյուս կողմի նկատմամբ:

Էլեկտրոնային նամակներ և հաղորդակցություն

www.reyma.am-ն պահպանում է կապը հաճախորդների հետ Էլեկտրոնային նամակների և SMS-ների, ինչպես նաև կայքում տեղադրված տեղեկությունների և ծանուցումների միջոցով։ Դուք տալիս եք գործարքները պատշաճ ձևակերպելու համար անհրաժեշտ էլեկտրոնային նամակներ ստանալու համաձայնություն։ 

www.reyma.am կայքը իր հաճախորդներին ուղարկում է հետևյալ բնույթի էլեկտրոնային նամակներ (emails)՝

• Օգտատերի հետ հետադարձ կապ հաստատող նամակ։
• Կայքում Ձեր պատվերի հայտը, առաքումը հաստատող կամ հայտը չեղարկող նամակ։
• Կայքի նորույթների, տարատեսակ ակցիաների և այլ նորությունների մասին տեղեկացնող նամակներ, որոնք ուղարկվում են միայն այն դեպքում, եթե Դուք բաժանորդագրված եք մեր փոստառաքման ծառայությանը։

Հղումներ

www.reyma.am կայքի որոշ հղումներ կարող են տանել դեպի այլ կայքեր։ Մեր կայքի ադմինիստրացիան չի վերահսկում արտաքին ռեսուրսները և պատասխանատու չէ դրանց բովանդակության համար։ Այդ հղումներին սեղմելով՝ Դուք լքում եք www.reyma.am կայքը։

Պատվիրված ապրանքի վերադարձ կամ փոխանակում

Եթե ձեռք բերված ապրանքը չի կրել որակական/քանակական փոփոխություններ և վաճառողը հաստատում է, որ այն չի օգտագործվել  (մեկ ժամ և ավել), կարող եք վերադարձնել ձեռք բերված 14 օրվա ընթացքում` ներկայացնելով ՀԴՄ կտրոն կամ հաշիվ-ապրանքագիր: 

Եթե ապրանքի վերադարձը պայմանավորված է դրա որակական հատկանիշներով, այն կարելի է փոխարինել պատշաճ որակի համապատասխան ապրանքի հետ։

Նույն սկզբունքով է իրականացվում նույն ապրանքախմբին, բայց այլ ապրանքանիշի պատկանող ապրանքի պատվերի վերադարձը։ Նման դեպքերում գանձվում է միայն ապրանքի գումարի տարբերությունը` առկայության դեպքում, իսկ առաքման լրացուցիչ գումար չի գանձվում: 

Կայքի պատասխանատվությունը 

www.reyma.am կայքում պատվերի հայտ ձևակերպելով՝ Դուք ուղարկում եք մեզ ապրանք գնելու և առաքման միջոցով այն ստանալու առաջարկ։ Առաջարկի ընդունման պահին Օգտատերը ստանում է պատվերը հաստատող նամակ և տվյալ ապրանքի վերաբերյալ մանրամասն տեղեկություն։ Այդ պատասխանը համարվում է Ընկերության և Ձեր միջև կնքված պայմանագիր։

Առաքման պահից սկսած, ապրանքը համարվում է Ձեր սեփականությունը և գտնվում է Ձեր տնօրինության տակ: 

Ընկերությունն ազատվում է իր ստանձնած պարտավորությունները չկատարելու կամ հետաձգված կատարելու պատասխանատվությունից, եթե դա պայմանավորված է Ընկերության վերահսկողությունից դուրս գտնվող պատճառներով:

Եթե նշված պայմաններից որևէ մեկը լիազոր մարմնի կողմից ճանաչվում է անվավեր, ապօրինի կամ չիրականացվող, այն կառանձնացվի մնացած պայմաններից, որոնք կշարունակեն մնալ ուժի մեջ:

Մտավոր սեփականություն և հեղինակային իրավունք

Կայքի միջոցով մատուցվող ծառայությունների շրջանակներում  օգտագործվող բոլոր ապրանքային նշանները և լոգոները հանդիսանում են Ռեյմա խանութների ցանցի կամ դրանց սեփականատերերի գույք:

www.reyma.am-ն տրամադրում է ոչ բացառիկ, ոչ փոխանցելի, սահմանափակ իրավունքներ՝ մեր կայքում տեղադրված նյութերի օգտագործման համար։ Օգտագործում չի ենթադրում մտավոր սեփականության իրավունքի կամ հետաքրքրության փոխանցում: Դուք համաձայնվում եք, որ կայքի բովանդակության օգտագործումը կամ թարգմանությունը համարվում է www.reyma.am-ի մտավոր սեփականության խախտում։

www.reyma.am- ը հարգում է մտավոր սեփականության իրավունքները և արձագանքում է հեղինակային իրավունքի ենթադրյալ խախտմանը վերաբերվող ծանուցագրերին: Կայքում տեղ գտած կամ դրա օգտագործմամբ խախտումները կկանխվեն. խնդրում ենք տեղեկացնել մեզ նմանատիպ խախտումների մասին։

Տեղեկության հավաքագրում եւ օգտագործում

Որոշ ծառայություններ մատուցելու համար մեզ անհրաժեշտ են Ձեր անձնական տվյալները։ 

Անձնական տվյալների հավաքագրումը և օգտագործումը www.reyma.am-ն իրականացնում է մեր Գաղտնիության քաղաքականության մեջ նշված պայմանների համաձայն։ Գաղտնիության քաղաքականության բաժնում մանրամասն ներկայացված է Ձեր հաշվի բացման համար անհրաժեշտ տվյալների հավաքագրման և օգտագործման կարգը։ Ծանոթանալաով կանոնակարգին և լրացնելով համապատասխան դաշտերը՝ Դուք համաձայնում եք Ձեր անձնական տվյալների օգտագործմանը: