Փոխանակման և վերադարձի քաղաքականություն

1. Վերադարձ և փոխանակում

1.1. Ապրանքի վերադարձը կամ փոխանակումն անվճար է, եթե առաքված ապրանքը չի համապատասխանում Առաքման և վճարման քաղաքականության 1.4 կետում նշված պատվերի հաստատմանը, պատվիրատուն կատարել է նույն քաղաքականության 1.5 կետի պահանջները, և անհամապատասխանությունը հայտնաբերվել ու առաքիչին է ներկայացվել ապրանքը ստանալիս՝ մինչև նրա հեռանալը։

1.2. Եթե պատվիրատուն բավարարված չէ գնումից, նա կարող է ապրանքը վերադարձնել կամ փոխանակել այլ ապրանքով այն ստանալուց հետո 14 օրվա ընթացքում՝ «Սպառողների իրավունքների պաշտպանության մասին» ՀՀ օրենքին համապատասխան։

1.2.1. Վերադարձի կամ փոխանակման պարտադիր պայմաններն են՝

• ապրանքը չի օգտագործվել. վիճելի դեպքերում դրա վերաբերյալ եզրակացությունը տալիս է Ընկերության մասնագետը,
• պահպանված են ապրանքի տեսքը, սպառողական հատկանիշները և կապարակնիքները,
• ապրանքի պիտակներն առկա են և վնասված չեն,
• առկա է վճարումը հաստատող կտրոնը կամ այլ հաշվարկային փաստաթուղթ։

1.2.2. Վերադարձման կամ փոխանակման ենթակա չեն՝

• մեկանգամյա օգտագործման ապրանքները,
• փչովի իրերը,
• ներքնազգեստը և անձնական հիգիենայի պարագաները,
• զարդերի այն տեսակները, որոնց փորձարկումը կարող է խախտել հիգիենայի պահանջները, օրինակ՝ ականջօղերը,
• կոսմետիկ միջոցները և պարագաները,
• սննդամթերքը և սննդամթերքի հետ շփվող տարաները,
• դեղորայքը, վիտամինները և սննդային հավելումները,
• «Սպառողների իրավունքների պաշտպանության մասին» ՀՀ օրենքով վերադարձման կամ փոխանակման ոչ ենթակա այլ ապրանքները։

1.2.3. Պատվիրատուն պարտավոր է առաքիչի ներկայությամբ բացել ապրանքը, ստուգել դրա արտաքին վիճակն ու սարքին լինելը և հայտնաբերված խնդրի կամ անհամապատասխանության մասին անմիջապես տեղեկացնել առաքիչին։ Ընկերությունը և առաքող ընկերությունը պատասխանատվություն չեն կրում այն տեսանելի վնասների կամ անհամապատասխանությունների համար, որոնք հնարավոր էր հայտնաբերել ապրանքը ստանալիս, սակայն ներկայացվել են առաքիչի հեռանալուց հետո։

1.3. Ապրանքը վերադարձման կամ փոխանակման ենթակա չէ, եթե չեն պահպանվել 1.2.1 և 1.2.3 կետերի պահանջները կամ ապրանքը պատկանում է 1.2.2 կետում նշված բացառություններից որևէ մեկին։

1.4. Եթե պատվիրատուն ցանկանում է վերադարձը կամ փոխանակումն իրականացնել առանձին առաքման միջոցով, այդ առաքման ծախսը վճարում է պատվիրատուն՝ համապատասխան առաքող ընկերության գործող սակագներով։ Սա չի սահմանափակում 1.1 կետով նախատեսված՝ ապրանքը ստանալու պահին անվճար վերադարձի կամ փոխանակման իրավունքը։

1.5. Ապրանքի վերադարձի կամ փոխանակման դեպքում Ընկերության և պատվիրատուի միջև կատարվում է համապատասխան վերահաշվարկ։ Փոխանակման դեպքում գների տարբերությունը գանձվում կամ վերադարձվում է, իսկ վերադարձի ենթակա գումարը փոխանցվում է պատվիրատուին գնումը կատարելիս օգտագործված վճարման եղանակով՝ համաձայն Առաքման և վճարման քաղաքականության 4-րդ բաժնի։

2. Այլ դրույթներ

2.1. Ընկերությունն իրավունք ունի միակողմանիորեն խմբագրել կամ փոփոխել սույն Փոխանակման և վերադարձի քաղաքականությունը։ Փոփոխությունների հրապարակումից հետո պատվեր կատարելը նշանակում է, որ պատվիրատուն ծանոթացել է նոր պայմաններին և ընդունում է դրանք։